14 வயது சிறுமி பாலியல் பலாத்காரம்: பிரபுதேவா படத்தில் நடித்த டான்சர் கைது

14 வயது சிறுமி பாலியல் பலாத்காரம்: பிரபுதேவா படத்தில் நடித்த டான்சர் கைது

14 வயது சிறுமியை பாலியல் பலாத்காரம் செய்த டான்சர் கைது செய்யப்பட்டார். அவர் பெயர் நிலேஷ் இந்தியில் சமீபத்தில் ரிலீசியான ஏபிசிடி–2 படத்தில் நடித்துள்ளார்.

இந்த படத்தில் பிரபுதேவா முக்கிய கேரக்டரில் நடித்தார். நடனத்தை மையமாக வைத்து இந்த படத்தை எடுத்து இருந்தனர். எனவே டான்சரான நிலேசும் இதில் நடித்தார்.

மும்பையில் வசிக்கும் இவர் தனது நண்பர்களுடன் சேர்ந்து 14 வயது சிறுமியை பாலியல் பலாத்காரம் செய்துள்ளனர். ஒரு மாதமாக அந்த சிறுமியை பல்வேறு இடங்களுக்கு அழைத்து சென்று இந்த செயலில் ஈடுபட்டு உள்ளனர். சிறுமி கொஞ்சம் மனநலம் பாதித்தவர் என்று கூறப்படுகிறது.

பள்ளியில் சிறுமியின் நடவடிக்கைகளில் மாற்றம் ஏற்பட்டதை கண்ட ஆசிரியை அதுபற்றி கேட்டுள்ளார். அப்போதுதான் சிறுமி தான் பலாத்காரம் செய்யப்பட்டதை தெரிவித்தார்.

இதுகுறித்து போலீசில் புகார் செய்யப்பட்டது. போலீசார் வழக்குப்பதிவு செய்து விசாரணை நடத்தி நிலேஷை கைது செய்தனர். அவரும் சிறுமியை பாலியல் பலாத்காரம் செய்த குற்றத்தை ஒப்புக்கொண்டார். நிலேஷ் நண்பர்கள் தலைமறைவாகி விட்டனர். அவர்களை போலீசார் தேடி வருகிறார்கள்.